سمير عبد الباقى

اعداد شمروخ الاراجوز

http://shamrckh.blogspot.com/
http://www.shamrokh.com.ru/
http://www.shamruh.mail333.com/
http://samirabdelbaky.blogspot.com/

فوانيس الأراجوز التعيس فى ليل المد والتوريث

* إنت النموذج ، وإحنا كلنا أشباه
لو شئت إنت نبى ملهم. أنت نص إله
قول ما بدالك واعمل ما بدا لابنك
نعيم رضاك ح يكفينا ما موتى ـ حياه
الكل دبحاه هزيمته بيبكى على ليلاه!!.

* كم للزعامات حسابات على حسب الشعوب تلاكيك
تسوق عوج رأيها لوجع القلوب تماحيك
كان لك منين كل ده وزرعك شجر عاقر
وكل عامر خربته ونفضت منه إيديك
كابس نفسنا.. هتفنا بدمنا نفديك!!

* سماحة ملك شعب مصر العزيز مطرطق ودانك لروما وباريز
عشانهم بتعزف همومنا نعم
يطول حبال اصطبارنا اللذيذ
يعشمنا لحنه برجوع لانجليز!!

* بتصبغ مشيبك بنيلة وهباب
عشان تقنع الدنيا إنك شباب
فصدّقنا ما دمّسه الكدب فينا
وطفحت علينا طباع الكلاب!
من الجوع نشمشم نفايتك كباب!!

* ضربوه على قفايته خدوه على المشم
وغرقوه عطايا.. صبح أعمى وأصم
خدعوه بالجات فصدق بحق العولمة
لو طاطى شعبه اكتر يصير هو الأهم
حفظ درس اللى حشش محبس باللى شم

* اتنين وعشرين سنة تحبى وما بلغتش
ياللى انت مصمصتها للعضم مارحمتش
والبعدا بيدلعوك ويجملوا الصورة
يكحلوا العورة رقص وكورة مافلحتش
لحقوك بقفة عيون/ بحلقت مالمحتش

* لو مؤمن ليه مش خايف تصحى قدام ربنا عريان
عوراتك كلا باينة ومخفى ملفاتك ح يبان
وساعتها ح تُعرض ع (الجماهير) بلا حوله
ولا ينفع أمن الدولة ولا يشفع خلف الصبيان
راجع نفسك واحسبها (مصري) يا غلبان!

* طول التاريخ مصر فقر وجهل عثماني
آخرتها قهر المرض كبدى وسرطاني
وعتاة جيوش الجباه ساقوا الهبل ع العبط
إيه الغلط أن تعود ملكية من تانى!
طول عمرها عباسية ولاية سلطانى!

* الدنيا ماشية معاك عشان انت فى القلعة
والمجد حواليك أمم لأن ريحك مطاوعة
ديتها طير الحوارى يطير بريش وجناح
يضيق عليك البراح وتنطفى الشمعة
بعض الشرر قد يفجرها نيران والعة!!

* من غير ما يشرب لها تفاحة ولا ينسون
شرعى ح يقعد على كرسى أبوه فرعون
لا عمره خطا قنا ـ ولا تاه فى حدوتة
وحى ياكل (التوتة) من شجر الرضا المهزوم
رضيتى ليه بالسكون؟ وكانت حركتك قانون!!

* طفل الأسد.. خبرة عصرية وإنترنت
فى جميع شئون الوطن على سلو أبوه ح يبت
والكل حامد وشاكر فضله.. ومهاود
مادام بلبدة حى يتمرن.. ويصبح حنت
دا ابن أمه بشنب، حتى لو كان بنت!!

* أفسالها ع الكرسى يبقوا من ذوات الهمم
جندرمة وبيادة أفندية وكباتن ـ رمم
لأنها ورث شرعى لكل هب ودب
نهبوها واستكتبوها صكوك براءة الذمم
وهى منذ ابتداها ـ تاريخ ضمير الأمم!

* للجن ميت حق لو خافوا يقولولك.. لأ
والنمل والطير وأسراب الجراد والبق
طول ما سيادتك على الكرسى ورب كريم
من كل زوج بهيم ـ رزقك فى غرب وشرق
واللى بيرضى المذلة يحق فيه الحرق!

* خلاص بقت مسخرة كل البلد قشلاق
حسب مقام رتبتك تتوزع الأرزاق
لبس المدير بدلة كاكى بسلسلة وضبابير
واحنا المراسلة بخبرة نزبط الأوراق!
واللى (خري) ف سينا بيبعبع فى بر بولاق!

* خُدنى على قد عقلى واشرح الجاري
دى مصر؟! والا انكشف لعدوى أسراري
عسكر على كل ناصية غير ميدان الحرب
وجنرالات مطهومين بين رقص ومجارى..
وأنا قلبى ينزف عشان أعزف بأوتارى!

* عفريت العلبة اللى مراهن على فقر خيالنا
بيسوق الهبلنة شيطنة ومبرمج سوء أحوالنا
بيشرع فينا الكدب يطوّع حق الملكية
نصبح ورث هنية للى يتموا أطفالنا
فينا اللى مكفينا. ارفعوا رجليكم عن مستقبلنا

* بالاغتيال بانتخاب بالورث باستفتاء
الابن فوق كرسى أبوه يرقد بلا استحياء
ياللى انتو فاكرينها لعبة حظ ومصادفة
على قفاكم قُليل صك ألف حذاء!!
عصر الهزايم عايزكو ضحايا مش شهداء!

* فيه ناس على نية تسرق يصبحوا محابيس
وناس علانية تلهف موقف السرفيس
تسرق رغيف م الفقر تقطع نفس
تسرق وطن بالقهر تصبح رئيس
والعقد شرعى برضاها أمة المتاعيس!!

* نص البلد عسكر على نصها
ودا اللى من بدرى قطم وسطها
لو كان بعتهم يزرعوا الصحرا
ماكانش فلاحها شحت قمحها
ولا خرس بين الأمم حسها

* ماعدتش مصدق إشارة المرور
وبايت مآمن لفتحى سرور
مجالسه وجرايده بتنهش فى قلبك
تغمى عينيك فى السواقى تدور
تعبى الهموم فوق قرونك يا تور!!

* الخلق متبعترين ما بين رصيف ورصيف
متعترين شرق غرب ما بين رغيف ورغيف
الأزمة ضاربة الخلايق ع النافوخ جزمة
ومالهش لازمة الشرف نفسه ماعادش شريف
حكم الجهالة المخيف خلا الأمل تخاريف!!

* من مرج (برج العرب) لمغانى (شرم الشيخ)
والجنة متعة بشر صدفة قدر وتاريخ
وارثينها شرعى غنيمة مهر وهزيمة
فى حروب مخيمة تفرقع للسلام صواريخ
والسلم والحرب بمبة خيارة أو بطيخ!!

* بينى وبينكم سنين من فقرى مانسيتهاش
بينكم وبينى سجون قهرى اللى ما تفناش
سجانة كتبة دكاترة مخبرين شعراء
بوشوش أليفة مخيبة غيلان وحناش
بعتوا الوطن كاش وسكرتم بدمى بلاش

* يا رازق النملة قوتها فى حجر صوان
ليه ضاقت الخية على الرزقى وع الفنان
ذو العقل زاحف ورا فتافيت رغيف العيش
والجهل متربع على القمة عمل سلطان
صايبه العما وكحلة أمه العامشة ششم زمان

* ابن الأسد له عرين الغابة مش عمه
خصوصى لو واد مخلص شبل وابن أمه
كله ح يخرس مافيش حيوان بيتكلم
واللى مسلّم أكيد له مصلحة تهمه
خدوه مثل حكمة واكفى القدر على (تمه)

* كل أما سكعوه قلم على طول يدير الخد
كإنه من يوم حبا ما صلبش حيل ولاقد
والواطى يفضل مطاطى ولو ركب مهرة
الصدفة وهبت له قدرة وشهرة مش على حد
مع الخيانة ـ الكنانة تصير وطن ع القد

* عز الظلام الجهول الجاهل الزنهار
اللى ما كفاهش ليلنا فطفى ضى النهار
بدمى ح اكتب له شعرى نجوم فى عز الضهر
تفضح أبوالعهر اللى حكم فى الوطن تجار
باعوا لنا رمق الحياة وباعوه للاستعمار

* لابد على قمة طرطوفها
بتبرطع فى جناين خوفها
فى وهم ان الحال دايمة لك
والناس م الجوع فقدت شوفها
لأ. فوق دى الأيام بظروفها

* لايق عليك هذا الهدوء الفريد
اللى يبغويك بيه شيطان عربيد
قال لك تغابى تجاهل كل ما بيضايق
ح تبقى عايق على القمة وهمه عبيد
دا اللى اشترى مصر باعها (لوّط) خردة حديد!!

* واهم تانى رجعوا بخيانة وعساكر
وانت فى غيبوبة ماانتش مذاكر
ح تحزن ح تشمت ح تفرح بإيه؟
ومهما ح تنكر عذاب جوعنا كافر
مصيرك يا بيه رهن فتح الدفاتر

* من يوم رهنها الزعيم على نسبة فى الميه
عدى يناير بليد ما انتفضوا (حرامية)
يا هلترى الخلق نسيتم الهموم الجوع
والا الجموع رقدتها سكتة قلبية..
قطعت شعوبنا الخلف من غلطة قومية!

* بيطولوا ع الكراسى دمهم يزرق
يبقى الميراث شىء طبيعى إنه يصبح حق
حتى ابن فجلة اللى أمه كان بترعى الغنم
صبح كبابجى ولا قدرنا نقول لها ـ لأ
لذا ح يحصل ـ ولو قلبك كمد ينشق

* يا اللى أنت ساحب من وشوشنا حمرة الخجل
وبجزمتك دايس فى قلب الشعر مسخت الزجل
سايق الهبل ع الشاشات تعلنا ـ تذلنا
طب دلنا لو كان لنا بحضرتك نتفة أمل
(عيان فى ميت!!) حسها ـ ما عادش يجرحنا المثل

* يا ريس الحى خفف عن ضميرك.. مات
خلق الجمال والشرف جوه البشر إخوات
طفحت معاك العيوب على الوجوه مسخرة
والجهل صار مفخرة والسمسرة درجات
م الحسرة صبح الفقير يبكى على الخواجات

* بيقولوا راح يخلفه ابنه بفكر جديد
لأنه طالع لأبوه وأمه ومش تقليد
بس انت قول لى قديمكم إيه وأنا أدركها
وافهم فباريكها ليه بعتوها خردة حديد

* كان شر بره و بعيد، أصبح بكم تقاليد!

* أوراق التين على سذاجتها بتخبى ثماره
والديك الخايف م التعلب بيدارى آثاره
وزعيم الأمة اللى مكمل بجيوش وعقول
بمزاجه بيستدعى عدوه لاستعماره
مين المستحمر؟ طب مين الجارى استحماره

* لو كنت حاسب حساب فيه حد ح يحاسبك
لم كنت تعمل ولا تقول غير مابيناسبك
خدعوك جميع اللى عدموا العزة غنوا عليك
عملوك (نوايه) سنادة وسبحوا باسمك
عزوة ندم من عدم فى الوهم بتقاسمك!

* لو.. لسه ما شبعتوا (بز) ابنى يرضعكو
وإن كنتو ما فرحتوا زماميره تدلعكو
وإذا لسه فيكم رفق للاعتراض ـ دوغري
جيش تحت أمري/ وأنا ف قبرى أركعكو
دانا اللى شخلعكو حبه ورعبه ربعكو

* الشاعر لاخرس لاعمى هو اللى حويط
لو يدى الطرشة لزوبة العامشة وأبوالنطيط
فى سوق العصر، يا يخطف رزقه يا يموت بيه
الشاطر هو اللى بيعمل ليام دى عبيط
ملعونة الخيرة، لوتبقى يا زعيط.. يا معيط!!

* بتفتى بما تجهله فى اللى ماتعرفهوش
ساعات خواجة ساعات عمة فقى وطربوش
وبر الغلابة اتنحل من كتر نتفك فيه
وأكلت مال النبى شرعا ومارحمتوش
واللى اختشوا ماتوا حين افتى اللى ماخجلوش

* يا عمى جاتكو القرف هزمتنى بلاويكم
كم عشت وهم إنى كنت بروحى أفديكم
ضحايا؟.. يادى العجب وانتو الجناة والسبب
موتى..! برغم أن قالعة الأرض رجليكم
تفتوا عيش الحرام لفطار أفنديكم

* بلّغ يا طير شكوتك للشجر
واشكى همومك يا غيطان للمطر
أما انت يا جعر فاكتم حار آهاتك
طرشة الحيطان، فاتك ميعاد السفر
امتى ح تفهم وتتعلم لغات الحجر؟!

سمير عبدالباقى حول شعر العامية

إلى حديقة يملكها كل المصريين

فى السبعينيات الكئيبة وانقلاب الثورة المضادة.

بقيادة السادات على المشروع الناصرى للنهضة

والاعتراف بإسرائيل والصلح معها، ومن ثم اندلعت معارضة المثقفين

والقوى الوطنية لهذا الصلح، من أعماق هذه العتامة

والمناخ الملوث القاتم الذى أفرزته الثورة المضادة

بدأ يتشكل جيل السبعينيات، وكان شعر العامية المصرية الصوت النبيل لهذا الجيل

يقدم قصيدة ولغة شعرية وعروضا وأوزانا وايقاعات تعكس مدى الاحباط وانكسار الحلم وغياب العصر البطولى لعبدالناصر

ولعل سمير عبدالباقى فى طليعة أصوات الشعر العامى فى العقود الثلاثة الأخيرة

وأكثرهم عطاء ودأبا على الإبداع المتجدد،

وقد واجه سمير عبدالباقى مع جيله بنبل وشجاعة انتحارية الصدام مع السلطة

وطوال أعوام الثورة والغضب من مايو 1971 إلى أكتوبر 1981 انخرط فى المظاهرات الطلابية والعمالية وعانى الاعتقال والمطاردة والبطالة واختناقات حرية التعبير والنشر

وكانت القصيدة الدرامية الملحمية فى حب مصر

إعلان ميلاد الشاعر فى أتون تصاعد المد الثورى للحركة الوطنية الديمقراطية،

حيث توحد والتحم الشعر مع الأداء والانشاد الأوبرالى المهيب لمغنى الثورة

والتمرد على الاستلاب والقهر الراحل النبيل عدلى فخرى
حيث كان يصرخ من أعماق أعماقه منبها الغافلين فاضحا المتخاذلين لاعنا الخونة والمتآمرين.. لسنوات وسنوات ملآ قاعات الجامعة وساحات القرى والمعسكرات والبيوت والمسارح المتاحة، الكلمة اللى ما تبقى رصاص. ملعونة وخاينة
اتذكر وأنت بتقفل بابك لجل تنام متطمن كل مساء

إن الألوفات فى نفس الساعة بتموت م الجوع أو تحت نابالم الطيارات الأمريكية
كان يرددها خلفه ألوف الطلبة والعمال والناس البسطاء والفلاحون

وأيضا المثقفين المتناسين

الآن تلك الأيام المجيدة حينما كان لكل شيء معناه وليس بما معناه،

وحيث لم يكن الوضوح جريمة

ولم تكن البساطة والبراءة عارا ولا التواصل سطحية وتخلفا

وحين كان للوطن حدود لا على الخريطة

ولكن فى القلب رغم الغرباء وكان الغناء فعلا جميلا وموقفا

والفن أملا من لحم ودم وعشقا ينتصر على كل هزيمة،

قبل أن تتسطح دماء الأمل هدرا على مذبح الوهم الجديد

غير أن عدلى فخرى بدأ ينسحب من الحياة بعد الانسحاب الثالث الكبير من بيروت وخروج المقاومة الفلسطينية من أرضها فى عزبة إلى تونس
وبرحيله تاركا الشاعر سمير عبدالباقى فى وحدة يسبح ضد التيار،

وينشد الأشعار فى زمن المهادنة والتراجع وسقوط الرفاق فى منتصف الطريق

وتبدد الأحلام وحصار كبرياء المثقف الثورى فى مراحل تراجع وحصار وتحلل القطب الشيوعى وانحسار الثورة العالمية وهيمنة أمريكا على مقدرات الشعوب

واحتلال افغانستان وبغداد قلعة الأسود وانتهاك الإسلام والعرب

وتبعيتهم الذليلة للسيد الجديد وتفشى الفساد والقهر والاستلاب والزيف

واللامبالاة بنضالات شعبنا وحكم السماسرة والكومباردو

وتحالف السلطة مع الثروة والإعلام فى ثالوث وثنى يحكم الشعب

ويهمش المثقفين المستقلين وإفلاس نظام الحكم وترهله

وسط هذا الحصار المعتم يرتفع صوت الشاعر بشجن ثورى حزين ومهيب

وكما قلنا فى البداية فعطاء وإنجار سمير عبدالباقى شاسع ومتعدد المحاور والرؤى والصياغات والأشكال

ولكن القارئ لبعض هذه الأعمال يجد أحيانا تكرارا و اهتماما بالكم دون الكيف فى اختيار المعانى وتناول شعرى يكتفى بالآن اللحظى دون الأبدى وبالجزئى دون الكلى

غير أن الشاعر وقد استوعب دروس الأجداد والآباء العظام

النديم

وبيرم التونسى

وفؤاد حداد

وصلاح جاهين

فقد خلق شكلا متميزا لتناول كل الظواهر السياسية المحتقنة فى الآن

وجعل من اليومى والحياتى اللحظى المنفجر بالبؤس والغضب

إلى صور كاريكاتورية ساخرة وحكيمة فى إصدار جريدة شهرية

يقوم بتحريرها كلها بنفسه أو يستضيف شعراء جددا عنوانها شمروخ الأراجوز

وهى شكشكة شعرية غير دورية بالفصحى والعامية

شعارها لا يحق لنا ما لا يحق لأهلنا، إنها نشرة شعرية على قد الحال،

لا جريدة ولا حتى مجلة ومستقلة عن أى حزب وأى ملة

فى عدد 27 رباعية وربع عنوانها حكمة شبه شعبية يقول

من باع ولو غالى يرخص نفس وبضاعة

، فلا تأمنوا الكراسى السلطة خداعة

واللى كبش ناره بأيده لابد ما يصرخ

للكذب عمرين لكن الحق له ساعة
لقد أمم سمير عبدالباقى الشعر العامى وجعله حديقة عامة يدخلها جميع المواطنين،

ومطرا يسقط على جميع النوافذ، واخترع لنفسه لغة خاصة به تقترب من الموال

. لقد اتجه بشعره إلى جميع الطبقات كاسرا بذلك طبقية الثقافة والاحتكارات الاقطاعية والبرجوازية للشعر بحيث أصبح الشعر على يديه خبزا يوميا

وقماشا شعبيا يرتديه 72 مليونا

سمير عبدالباقي .. وحكاية شمروخ الأراجوز

الشاعر يواصل تسجيل مواقفه ورؤاه التأملية والانتقادية ويطبعها علي نفقته لإيجاد مساحة من التواصل مع الأصدقاء
< تراوح الشعر العامي الجميل الذي يضمه «شمروخ» وغيره من أشعار الكاتب ودواوينه المتنوعة بين الوطن والإنسان < قصائد الديوان حافلة بالسخرية والتهكم والمفارقة في سياقات عامة مشربة بتراث شعبي جميل يكشف عن جوهر المصري الذي لا يصدأ مهما علاه التراب دأب الشاعر سمير عبدالباقي علي نشر مطبوعة صغيرة وغير دورية بعنوان «شمروخ الأرجوز» علي نفقته الخاصة وإرسالها إلي الأصدقاء . من الكتاب وهو يبتغي من وراء هذا «الرقم الشعري» تسجيل مواقفه وأفكاره ورؤاه التأملية والانتقادية ، فضْلا عن إحداث مساحة من التواصل لعل هزَّة ما تثير النفس وتحرك الجسد.
ولقد ظل الشاعر سمير عبدالباقي يواصل هذا الدور حتي وصل الإصدار إلي رقم 43 وهو في دأبه هذا يتجلي توجهه الوطني والإنساني والذي يتحمل من أجل توصيله إلي القارئ عنتا ماديًا ونفسيًا واضحين .. وهي رسالة يسعي جاهدً علي القيام بها وتحمل نتائجها، أملاً ألاَّ يخذله الجسد حتي يظل صائحًا في «البرية» و«الحديقة الشعرية» يحدث القارئ عن الوطن، والتاريخ والرموز، وعن فترات الزهْو والنكوص، وعن التحولات التي أدمت النفوس، وعن القيم التي تغيرت وأصابت القلوب بالجراح .. وهو في ذلك كله يتمني لو يزرع في القلب «جذوة» تشتعل، علَّها تخلص الوطن من الصمود الذي سقط فيه ، فينتزع من «تربته» الحبة السوداء المريضة.
يقول في قصيدة رجلية طويلة بعنوان «إيه جري يا شعبي إيه».
سيبتوا الوطن يتقل نومه
وسهرتوا بتغازله نجومه
جري لكو إيه ياولاد «بمبة»
يا للي فقعتوا الخوف زومبة
يااللّي أسرْتم مرة «لويس»
وبرمتمُ الأتْراك قراطيس
لقد تراوح الشعر العامي الجميل الذي يضمه «شمروخ» وغيره من أشعار الكاتب ودواوينه المتنوعة .. تراوح بين محورين كبيرين شغلا مساحة عريضة في إبداعه العام .. هما .. الوطن والإنسان وجاءت قصائده طويلة أو قصيرة حافلة بالسخرية والتهكم والمفارقة في سياقات عامة مشربة بتراث شعبي جميل يكشف عن جوهر الإنسان المصري الذي لا يصدأ مهما علاه التراب وهمته الأحداث.
يقول في قصية بعنوان «كابوس»:
نُص البلدْ عسَّكر علي نُصها
ولصِّها سمْسر في ديك أمها
ولأنّه عايش علي نشف ريْقها
حَ يْموت عافِقها من رغيف همّها
وفي جانب آخر من شعره يعلو حسه التأملي ويتراسل مع مفردات الكون والطبيعة ويتصالح مع نغم الحياة الساري في الكائنات .. وهو شعر جاء في هيئة رباعيات .. يتسم بالجمال التعبيري والموسيقي المواكبة للصورة والدلالة الواضحة الواشية بعمق التأمل وصفا النفس وتوقها إلي الأجمل.
يقول في رباعية بعنوان :« حلم الجعان».
كان نِفْسي ادخل في بستانك ولو عصفور
يخفيني كرْم العنب عن عيد حِدَا وصقور
أسكر بعطر الزهور أشبع من الفاكهة
واهرب واعاوْد ما يمنعني حرس ولا سور
وفي قصيدة طويلة يرثي فيها زوجته الفنانة والتي اختطفها الموت بعد رحلة معايشة طويلة مع فن العرائس .. نتوقف أمام الشجن وصورة الموجعة
عيشتي يا «نجلاء» عيوب جوزك تداديها
كم شيلت ياما وداريتي .. من خوافيها
لكنّ مَراودِ الْفرح أفنت جبال الحزن
والحب وهبِكْ شموع صوت لياليها.
محمد قطب

أحزان ناصرية من عام الردة

.. عندما مات محمد رسول الله
قال أبوبكر قولته المشهورة
لما رأي ما صار إليه حال المسلمين:
.. من كان يعبد محمدا
فإن محمدا قد مات
ومن كان يعبدالله
فإن الله حى.. لا يموت
---
فإذا ما انقطع الخيط الواهي بين الخطوة والموت بين دهاء الخلفاء وأحزان الشعب
امدد لي كفيك
لا تشهر سيفك في وجهي
عبدالناصر.. مات
فهل نأمن غدر التحكيم
وكيد ابن العاص.. عظيم؟
وأشاعرة العرب يراؤون دمشق
ويحيون القيم الرومية؟!
هل نأمن غدر التحكيم..؟
والكذابون يبيعون هويات الصدق المتبتل
في المؤتمرات الرسمية؟
والقوادون علي شطآن البحر الأبيض
يتعاطون حبوب الوجد الوطنية؟
هل نأمن غدر التحكيم
والنخاسون احتشدوا في أسواق المدن الحرة
يضعون خطوط التقسيم
ويخفون بليل.. رائحة صكوك الصلح
وتسوية الغفران؟
هل نأمن غدر التحكيم؟
ومعاوية يفاوض مكة
يستقبل أشتات السفراء
يبايعه كل أباطرة الأرض
وتحميه سيوف الأمراء؟
---
يارب الفقراء أغثنا
هذا ابن رسولك يرويه العطش
يموت علي صدر الصحراء
ظمآنا.. يقتله الشوق إلي قطرة ماء
والنيل علي مرمي حجر
لكن التجار يسدّون الأفق يساندهم جيش الأعداء
ها هي ساحات المنشية خرساء
لا يسمع فيها صوت الأنصار
يزلزل عرش الكفار نهار التأميم
تستيقظ مرهقة -
تفرك عينيها -
تتذكر -
تصحو -
ما أن تنطق
ما أن تتناقل خافية الأنباء
حتي تدهمها أحذية الأمن الأموي
وفتوي التجريم!
وتجبرها شرطة أوكتافيو أن تتزين
- أن ترقص قهرا حين تمر طوابير العملاء
أن ترقد قسرا
ليضاجعهاتجار الأقمشة المسروقة
والأحلام الوهمية
---
في الثامن والعشرين من الشهر الباكي
خرجت باب الشعرية حاسرة الرأس
تودع حلما غيبيا ينبت من أرض الواقع
ليموت علي صدر الشارع مهجورا
تسحقه قبة عابدين الجمهورية!.
........
عبدالناصر مات
فليرحل عنا من يعبد عبدالناصر
وليتقدم من يحمل سيفه
من يمسح في بردته الشعبية -
أوهام تردده
من يقتل خوفه.!
---
يا آلهة الخبز الأسود والحارات المجهولة
يا من لا تملكن سوي الأسماء الخشنة
والأطفال البريه
يتكاثف في الميدان المحزون ظلام من قرن الذل
يجندل أبناء كالأشباح
ضحايا للسلم الوطني
يختطف صبايا
استولدهن الجوع عظايا
كي يصبحن شهود الردة
ويصرن جواري عصر البترول الذهبي
---
عبدالناصر.. مات...
لا يزهر حقل الحنطة في الرابع من فبراير
ميت سلسيل يعذبها الخوف
ويهجرها الحلم
فعيون الوالي عادت
تستيقظ في منتصف الليل لترصد كل الأبواب
عادت أشباح الموت الأسود
تتعقب خطوات الشغيلة
.. كانت قريتنا تأمل يوما في قطعة خبز
تبعد غائلة الجوع
وتقتل صيحات الشرطي
الرابض فوق الجسر
يقسم أرزاق الناس
كانت تدفع من دمها راضية
- ليعيش القمح
وتحلم بالنوار الآتي
عبدالناصر مات ومازالت تحلم بالنوار الآتي
كانت ترسل أبناءً للحرب
- تضيع ببرية سيناء
وتحلم بالنصر الآتى
عبدالناصر مات
ومازالت تحلم بالنصر الآتي
تحلم بالثوار
تتهجي الأحرف
لا تفهم أكثر مما تعلم-
ترسل أبناءً للجامعة وللمصنع وتغني
للسد العالى
ولأوراق تحمل وعدا
ينبجس من اللجة والمجهول
يتفجر في أعماق الطين
ويزهر فوق صدور العمال
... كانت قريتنا تحلم لما عبدالناصر مات
ومازالت تجمع أشلاء الحلم
وأشلاء الشهداء
ما كانت تعبد عبدالناصر
لكن
كانت تحلم بالقمح
وبالنصر الطالع من أعماق الجرح
وكانت تنظر في عيني ناصر تقرأ
تحفظ ما كانت تعنيه الكلمات
وتقاوم خوفاً مجهولاً.
وتصارع رعبا تعرفه يسترق السمع
يلصّ الخطوات
ويطارد أحلام الفتيات
يتسلل مستترا بوشاح السلطة كي ينبش قبر الموتي
....
عبدالناصر.. مات
قريتنا عادت تدفع من دمها-
ويموت القمح
قريتنا تفقد عذريتها
كي تنجب أطفالاً لا للحرب ولكن
لبيوت الأغوات
وبنات يتقن لغات الأسواق الحرة
والرقص
ليدعمن الدعم الأخوي
ويحمين العمق بكل الجبهات
---
يارب الفقراء أغثنا
فبنات بني هاشم يؤخذن سبايا
كي يتشفي أحفاد أبي سفيان
ويرضي الروم ويغفر عملاء الفرس ذنوب..العرب الأولى
والفلاحات يسقن عرايا الخيام رعاة الأبل
وتجار الزيت
ورياح الردة تجتاح الصحراء
تشوه وجه النيل
تداعب أعلام البيبسي تقتل أهل البيت
وعبدالناصر.. مات
فليرحل عنا من يعبد عبدالناصر
من يخشي أن ينقطع الخيط الواهي
وليتقدم من يحمل سيفه
من يمسح في بردته الشعبية-
أوهام تردده
من يقتل خوفه
......
فامدد لي كفيك
لا تشهر سيفك في وجهي
كي نأمن غدر التحكيم
ولكي ننظر في عينيه -
كما نظرت قريتنا
المرتعبة من هول قلاع معاوية
وتدبير أشاعرة القرن العشرين
وكيد ملوك الزيت
ولنحفظ عنه كما حفظت
ما تعنيه الكلمات
.....
أمدد لي كفيك
لا تشهر سيفك في وجهي
كي نحتمل فداحة إكمال المشوار
ولكي نجمع أشلاء الفلاحين القتلي من سيناء
ولنطلق أغنيات التأميم
ترغرد في ساحات المنشية
أمدد لي كفيك
لنحرر عصفور الحلم المصري
يعود
يرفرف فوق حواري ميت سلسيل
وباب الشعرية

سمير عبدالباقي

في رواية ولا هم يحزنون

سمير عبد الباقي يفضح الفساد

أذهلني هذا النص من حيث الموضوع ونوعية الكتابة وكثرة الأسئلة التي يطرحها النص الروائي ( ولا هم يحزنون ) للشاعر والأديب سمير عبد الباقي والبنيه العامة لهذا النص أنه يتكون من ثلاثة أقسام لكني أري أنهما قسمان.

ففي البداية يعكس الكاتب انه حصل علي منحة للتفرغ حتي يكتب نصا لأن مشكلته الأساسية قتل الذبابة التي تعوقه عن الكتابة . فالذبابة هنا تصبح مشكلته ، وينبغي قتلها عن طريق الكتابة وألامر لايقف عند هذا الحد . وسنجد أن هذة الذبابة ستتخذ دلالات كثيرة ترمز الي الأعاقة فتصبح هي التي تتخلق من القاذورات ومواطن العفن الموجودة في الوطن حيث الشهداء في فلسطين أي انها تحمل المعوق الأساسي وهو الأستعمار . ولا يجد المرء سوي أستغلال طاقته في ( هش ونش ) الذباب لكن الأستعمار ليس من السهل ( هشه ونشه ) .

فهناك مقاومة لهذة المطاردة التي تعوق الأبداع والسؤال . هل سيقتل الكاتب هذه الذبابة عندما يروي سيرته في ( ميت سلسيل ).

ونعتبر هذا الجزء الثاني من الرواية نوع من المقاومة لهذة الذبابة المعوقة للأبداع ولحرية الشعوب ولجلاء الأوطان .

فهذه السيدة ، هي سيدة الأعتراف كما تعارف عليها ، وعملية السيدة هذه لا تخلو من أوهام . فهي تخضع لأنتقاء وتركيب يقوم بها الشخص الواعي ليقدم صورة عن ذاته وتكون صورة مطابقة . فهو يلتقط بعض الذكريات ويقدمها .فقد قدم لنا سمير صورة غيرية وليست ذاتيه فقط لأن الأنا هو جزء لا يتجزأ ، سيدة الوطن بكل مفاسده وبالتالى لنا الأنا والأخر في هذه السيره ، وللعلم كتبها فى ثلاثة أيام .

وتضم ثلاثة أحداث هامة : موت الشيخ مقبل الذي كان أمين عام الأتحاد القومي وهو شيخ القرية والمتحكم فيها سياسيا وكان رجل مهابا يخشاه الناس ويعملون له ألف حساب ويشترط في إعداد الجنازه اللأئقة أطلاق حرية سالم المسجون السياسي الذ كان يدافع عن حقوق الفلاحين في القرية وكشف الفساد الذي تسبب فيه الشيخ مقبل الذي كان يقوم بسرقة الجمعية هو واتباعه فسالم هذا مناضل شيوعي عذب وسجن .

والقضية بالنسبة لزوجة مقبل أن تكون الجنازة موكبا رهيبا بالصورة الظاهرة له .

في حين تكون هناك مساع لنوال أخت سالم بان تحظي بزيارة له في السجن.

وينتهى النص بأن تتحول الجنازة لشبه ملهاة وأفراح . وبعد محاولات تنجح فى أن ترى شقيقها سالم من شباك السجن عن طريق زوجة أحد المسجونين رغم الصعوبات التى يسببها القائمون على السجن وأقارب الشيخ مقبل، ومن خلال هذين النصين للرواية يستعيد سمير عبد الباقى تراثا كبيرا من الفكاهة الوطنية الساخرة .

وهذان المشهدان – مشهد الجنازة ومشهد السجن – ينطويان على نوع من النقد الإجتماعى وإظهار المفارقة وتحقيق نوع من المقاومة التى لا يمكن أن تتسلط عليها السلطة بأى شكل

وبعدين

الخـــلق تايهة في بلاويها
باللقمة سُحـــت بتقضيـها
ولو الغمــوس لط إيديـها
تقول فجَرنا وهلـّسنــــــا
دايرين في ساقية خربـانة
تنزح في بيــر كلـّه خيانة
والأرض م الخوف عّيانة
في ضل أوهامها نعسنــا
وفوتنا ابــو الهم حكمنـــا
بقلـّة الحيلة شكمنــــــــا..
قطــع لسانــّـا وبـَكـَمنـــــا
كتـّفنــــا لابنه يـــورثنـــا
ِوولـْد ابوه طــــالع لامّه
ماحد مستجـــــري يلمّه
فارد لـــنا جنِحته وكمّه
ولا همّه اننا فلـّسنــــــــــا
...
هريتونــــا كدب كلام وحديت
وف غفلة بعتوا الغيط والبيت
ولفـّتـــونـا في التوابيـــــــــت
نهتف يطول عمر رئيسنا
دا العضم يا ابني مصمصتوه
واللـحم تــونة تبـّـلتــــــــــوه
عيــد الوطـن ـ يوم ما تفوتـوه
تنفك عقدة منــَــاحيسنــا

هتـــــاف

مصر ماهيش مبــارك
مصر..ماهيش سوزان
مصر مش عساكر أمـــن أو ليمــــــــــان
...
مصر الفلاحين
مصر الشغالين
مصــــر الإنســــانيـــــة
من فجر السنين
كانت للحضارة
وللعـــــــالم هديــــــــــــة
وضميـــــرالعـدالة الحيّ من زمـــــان .!
...
كم عــــــــدو غدرها
وخــاين بـاع ديارها
جـوع وخوف قهرها
بالفســـــاد حاصرها
وأهـــــــو آن الأوان
...
ياللي تحبوا مصــر ـ محتاجة لنصـــــــر
إيديكو ويا إيدينـــا ـ نكسّر قيودنـــــــــــا
كفاية نوم قومـــوا ـ نعدل الميــــــــزان!!

من شر ما حسد

إفسح مجال للغيرة واقبل بالحسد
مافي حد إلا وللهوي يخضع..
وبالغرض يحتمي
أو للغرض يخشع..
ما حد إلا ولـُه أكيد عفريته
يطلع له لما يعوزه يا دوب يصفـّر له
يجوز يزمّر له ، يعينه و يغيته..
يا يرقـّصه ع الشناكل حين يصور له
جنة تجمـّل له ذل العيش وفرافيته
عايشة البشر في كـَبـَد
منذ الأزل للأبد
و كل حيّ وملـْهي في حواديته
من صنع إيده قضاه ومتقدر له
وكل قِلـّه يعوز الكل يصْغـَر له..
فكون كبير علي قد موهبتك
إفسح مجال للغيرة من طيبتك
بعض القلوب في كـَمَد
من غلّ عجز الفعل تنكرها
وشعرا يا ما زُحـَل مش زي منظرها
القرش كاسرها
والكدب من كتر ما كدبت علي روحها
وعلي غيرها
ما تشوفش في الضي أبعد من مناخيرها
فاقبل قانون الحسد
ما ح يبقي في الأرض إلا بعض ما ينفع
في الشعر أو م الزجل
كل الزوابع هـَباء.. كل التوابع زَبَد
في الريح بيذهب جُفاء ولا يحسه أحد..!

ڤيديــو كليــب

صرصار بيغنّي علي منصّة لأنبوبة
أسمر صابغ شَعرُه أصْفرْ ـ
وسطـُه لهلوبة
وجنبه فار مزرعة في نافوخه زنوبة ..
بتغازله ميت ضفدعة..رخْصتها مسحوبة
بتنافسه في الجعجعة علي نوتة مقلوبة
لكن الغريب العجيب الشكل ـ أعجوبة
المخرج العبقري أبو قرن متزنهر
وذمة مخروبة ..
سهران يشخـّر موسيقي تهز وسط الفيلم
لجلِنْ تتم الخطة بالمسطرة
وتكمَل المسخرة ـ حسب أصول العلـْم
يرضي عليه الأديب العِرّة إبن المرَة
اللي رَباية المجاري العتمة و السراديب
علشان يجيبــْنا لورا
مُسخـة لثقــافة السّـــلم!

نبيل الهلالي

أنا لا غنيمة غـَوَتني
ولا سلطة قهر احتوتني
لا رأسمالي كسرني
بدّلت له موالي
ولا جنس كاكي قهرني
عَدلت فيه أقوالي
وحدَك يا شعبي ـ
اللي حلمك كان دليل قلبي
وكنت صاحبي ـ
وعزوتي ودربي
في عِزسود الليالي
منــّك حلال قـُوتي
وليك بـِلال صوتي
لفجر بالنور يلالي
..
وعشان كده موتي
يشبه في حبّك حياتي
لا قصر عالي
ولا سلطان ولا والي
َبِـلـْبـِل لي في الحق بالي
ومن بدايتي
لنهايتي
كنت النبيل والهلالي

سكة اللي يروح..!

غـَصَبتني ( الغولة ).. إغـْتصبتني
أخدتني سنين لتوهتها
خايلتني في سراب الرمل بالأحمر وبالأخضر
شاغلتني في بحر المية المتعكر
غشت لي عينيّه بالترتر والتوت والعنبر
للعتمة الضلة ندهتني ..
غنت لي غناوي خبلتني ..
و لا ضيّ في ضلمة عريانة سحرتني
سكرتني بدون خمرة ـ صحيت
اتهيألي إني نجيت
وعبرت حدودها وعديت..
إتاريني علي مدة إيدها مهمـَن مدّيت ..
خطوتي عنها خطوتي ليها
غنايا من شفرة ألحان أغانيها
لا صدي ليها ولا سمعتني ـ خذلتني
تحت المطرة قصايدي باشت من أنفاسها
هزمتني ..
روحي ساخت في قلبي مرار في حشايا
إنا اليتيم المتيـّم و صابني السهم في صبايا
ظنيتها حبيتني ..
لما حضنتني..
علي وش ماء النهر صوت الريح و رسمتني
أتاريها في سلاسلها طلقتني
ع الخوف ورعب الجهل ربــّّتني ..
قنعتني أقاوح ما بين العـُذر والتاني
و أنا بأراوح مكاني
أساوم الكدب وانكر صدق وجداني ..
من ما ساومتني علي أحزاني
خدعتني ..
خاصِمت سني وعشت غريب بزماني !.

يا ستنا (الغولة) ميتك باردة
رميت عليك السلام
فضِلتي ليه شاردة
وزمـّتك علي شفتك وردة
خدعني همس الرخام ..
و جناين الدخان
إحترت بين السكك واخترت بإرادتي
كإني فارس زماني ورحت لنصيبي ..
ظنيت عدوي حبيبي و سيفي كان خردة ..!
...
من يومها حد النهاردة..
ـ لســـــّّة ما رجعـــــــــتش ..!

نهـــايـــــات

لما الوطن بيشيخ
يعملها علي روحه
تنزف جروحه .. بشر وديدان
و ناس حشرات
وتنكسر نفسه منهم
يوطي بسطوحه
تخيب آماله في بكره
يحكمه الأموات.!
·
لما الوطن ينذل..
تلاقي وزنه خف
تاه في الخريطة وقل
ماء الحياه في عروقه يبقي ملح وخل
نهره من القهر جف ..
لا يرق ليه الندي و لا يراعيه الطل ..
·
لما الوطن ينهطل
ما يشوفش فين الاتجاه
ينخع علي كيفه
ينسي حدود الحياه
ريفه الحنون ينسعر
يـِكـِلّ منــّه البصر
عِداه ترقـّع قفاه
وزعيمه يصبح .. بطل !!

أولويــّات

لا تذكروني .. واذكروه الوطن
وليه صَبح عـَوْره كشفها الزمن
وما عادش ليّه ف ذكرياته نصيب ..
ولا لـُه في ذاكرة التاريخ غير محن
من يوم ما باعني بلاش وغيري قبض التمن
ونسيتوا اسمي زي ما نسيتوه..
سيبتوه يفرفر م الشبك ويتوه..
باض الشيطان في عقولكو قهر
صابكو الوهن
الدايرة لفـّت ـ بس بالقطاعي ..
وفضّل الرأسمالي يبقي إقطاعي ..
وهرْتل العسكري صدفة لأهل العلم
وهو بيرتل بكل العَلـَن ـ مدد يا رفاعي
عمداً وداس بالجزمة علي أضلاعي
هرس صباعي نسيت السّر ورا أوجاعي
ما بقاش علي شرف العَلـَم مـُؤتمن..
مزّع خرايطه لحين أصابها العفن
دفن تاريخه الحي في رمال البحور
من أجل مايأذيش مشاعر الملك
ولا يعكر مزاج الست والأولاد ..
يدفن آماله البسيطة في هديم الزمن ..
...
لذا اذكروه واتعمّدوا نسياني ..
الكدب إحياناً يكون إنساني ..
مادام تاريخ الخوف بقي بينساني..
عطشان في قبري ولحمي من غير كفن..
وقصايدي ما قدروش يعزّوني
فانسوني لكن ـ إوعوا تنسوا الوطن !

ثورة الشك

أشوف أهلي صفوف خلـْفك
ضعيفة وخايفة لا تخالفـَك
وضايعة في تفاسيرك..
وانا بجهلي البرئ شايفك
خيال وهمي ..وضل خيال..
رهين بطبول مزاميرك
في زفة من تراث الكدب
تايهة في غيم مقاديرك
لذا بأعلنها مش خايف ولا آسف
لا ح اشكي ليك ولا لغيرك
ح إقطع كل دساتيرك
ح اخطي كل محاذيرك
أحرر كل مأسيرك
وحتي آخر المشوار
لا عين ع الجّنة ولا في النار..
ح اغني غنوتي ف إصرار
و أرفض ذل تفكيرك
واعيش فرْحان قوي بنفسي
برئ من راحة الإذعان
في إيدي الجمرة حمرا موهوجة بحبيّ
تحصن قلبي م القهرة وم الإدْمان
ما تلزمنيش خطوط سيرَك
ح اموت متباهي ع الدنيا في حرية
ـ أنا الإنسان!

نهايات منطقية

زمن الرجولة انتهي فا قلع هدوم المغامرة
إلبس جلود الفيران
عصر الشيلان والطرح والمجد للنسوان
لا يقة عليك الموضة يا كداب
من صغرسنك صبي سايق العبط ع الجنان
إمتي طلع لك شنب و لمين وقف لك زبان
كنت الفريد العجيب ألعن من الدبان
أفـْكه من الكتكوت وم السعدان
تنعق بصوت الغراب كلّ امّا عرْق يموت..
وتموت في جلدك لو غريمك بان
فاسكر بريق الحنان
إنعَم بعمر الشباب..
زيك عصي ع الموت وع الحرمان ..
ربك مِبارك في عمرك..
سيدك عاطيك الأمان
عاطيك هبَل من وسَع ما تشوفش غير نفسك
من تحت عقب البيبان اتسرسبت شمسك
ولا خُرم إلا اتسع..
ولا عبد إلا اتهان..
فإفسح لنفسك فرصة الملكوت ..
إنسي ذليل أمسك..
في جمر آهة الوجع إحنا اللي بنـوّح
بَهت اللئيم ع الجدع و الندل متسطـّح
إتسببت لك كافة الأسباب
وكل البدع..
تقول وتعمل كل ما بدالك
انت الوحيد اللي يملك م البطرـ قمرين
شطين ووطنين
من كل زوجين
فافرح وزقطط سكتك مش خضرا
حاشفة وناشفة كصخرة في (العلمين)
فات الميعاد ع الحساب
ما فاضلش غيره الطوفان
ما عدش فيه بكرة
إنت الوحيد اللي أدري باللي بالي بالك..
وبفرْط لايّام اللي باقية لك..
فَكرة كـَكـَف القدر ما تفوقش م السـّكرة..
تشهق ما تلحق .. تصب الخمرة لعيالك!!

غنوة حب

يا واد يا عـــايق بضفيــرتك
الكـون ملـوّن في حصيـرتك
كل البلد جـايبـة في سيــرتك
وانت كما الطيـــر الرّايــق..

طاير ترفرف بالجنـاحـــات
حوالـيك ترش الحب آهـات
وكلـــنا شبــــان وبنـــــــات
متحـيرين.. طب ليه حيـرتك؟

هوّن عليــــك أحزان روحك
علينا ما تهـــــونش جروحك
بكره القمر يضْوي سطوحك
وتشوف مواسمـــها شجرتك

لحظة فرح لو مســـــروقة
في الريح ترفرف مطلــوقة
لمّا الضفـــــيرة العيـــّـــوقة
تنفــك وتنــوّر ليـــلتــك .!!

الجـــــار السّـــــو

مــن حـظ أمـه ،القنـابل تحتــُه ريــش وقـــزاز
والسـّفاحـين في أمـان حُضـنه ، ملايـكة لـــذاذ
يـا واهب الكلب ديــل من غــير نغــم هــــزّاز
ومصَـبّر البـقرة عــاميـة في سـاقيـة الإنـــجاز
مــادام عطيته حجـاب.. دخـْـل الكنـال والجـاز
إبلينــا إحــنا بمصيــبة تـاخدنا نــاس فــــاترين
علي العجيـن نمشـي ولاتوبنــاش من التـلسيـن
إقطـع لسانـّا الهجيــن نخرس يســار ويميـــــن
يمــكن إذا مــــا انكتـمنــا نفــوق ونفــهم مــيـن
أهـبــل خَبــَلـْنـا وخَــيَـلـْْنـا بـــكل دي ألـغــــاز

غنوة الجد

أنا جد وعاشق لبلادي

وبعلم دايما أولادي

لو يحكوا لأحفادي تاريخنا

راح نبقي في عظمة أجدادي

أنا جد وعيشت سنين أجيال

ومازال قلبي زي الأطفال

عيل مليان حواديت وخيال

بتحير بين حادي وبادي

أنا جد تعالي قرب مني

حهعطيك الحق تعلمني

وأما أصغر يلا أكبر عني

وحمامة نطير فوق الوادي

أنا جد لكين دايما أسأل

أزاي الدنيا تكون أجمل

بخيال مجنون تصبح أعقل

وتجمعنا قلوب وآيادي.

غنوة الأراجوز

دبدوب الكسلان وأبو لبدة المدهش
وحسن قرن الفول وأخوه المكرش
وأخدين علي بابا لمدينة الأحلام
شافوا رحمة فغابة والشعر منعكش

قابلني تعليبوا قولت هنبقي أصحاب
أتاري القرد كروكي سد علينا الباب
روحت لحجاج دوقة والديب بولينياب
هربم مني وجريوا أفتكروني مفتش
.
جاتلي السندريلا مع حسن الصياد
قالوا الكتكوت لأخضر تاه في بلاد وبلاد
قولت بقالي أصحابي ياما بنات وولاد
حورية ومرجانة راح نرقص ونفرفش
.
ياعرايس ماما نجلا نورتوا المسرح
بعصايتي والضحكة الزعلان يفرح
وخلو بالكوا بلدنا محتاجة مصحصح
صاحي وأرجوز زيي شاطر ميونش

الوداع

الوداع ياماما نجلا
ياللي زوق إيدك عملنا
ونور عنيكي كان خيالنا
وبحنان رسم جمالنا
وعطانا شوق أمالنا
أن بكرة يبقي أحلا
.
الوداع ياماما نجلا
باللي عيشتي العمر لينا
وإحنا عيشنا العمر بيكي
لما نبكي أعذرينا
ياما كان عشمنا فيكي
نعمل الدنيا جنينة
للجمال والحب دوله
.
الوداع ياماما نجلا

اعترافات الزعيم الأوحد

أنا مالياش وطن

ولاعمرى حبيت بيت

لأنى مش إنسان وعمرى ما حبيت

أنا نموذج زعيم الدولة والتنظيم

فى صدرى شوق حنت فاجر قاطع طريق ولئيم

لذا عمرى ما استحيت

لأنى ع الحرمانية عاقد النية

مضغت كبد الديابة النية واستحليت

ودقت لحم البشر أطفال فما استكفيت

وفى دموع اليتامى غرقت فاتوضيت

على رقاب المؤمنين بمواهبى أنا استعليت

عديت .. عليها حين إمام صليت

يادوب ح يلزم ليه صفين من عساكر ميتين القلب

ينيموا الملايين من المغرب

وصف أفندية ميتين الروح

يصبح كلامهم حجة ع القوانين

أرسم حدود الحرام والأدب والدين

واحسب حساب المعارك والغنا والحرب

أبنى صروح الوطن والحق والتقويم

فأنا وعدكم للكرامة - المجد مهما خطيت

أنا عزكم من عوارى ضعفكوا استقويت

ما نمت ما اطمنت ما ونيت

عينى مفتوحة مثل الديب إذا كنيت فافهم يا من حبيت

وحزت حسن الفطن وقسوتى الإنسانية

وحضن عرشى وضله هو البيت

سمير عبد الباقى

صلاة ريفيّة فى غرفة الإنعاش

وحدك بتخوضى معركة العمر اليائس
من غير فدائيين ومريدبن وفوارس
الجسد المنهك ساحة ميدان معركة مهجورة
انتهكت فيها كل المعايير البشرية
ومازال رافع الراية بيستنى وعد الأسطورة
رغم هروب العسكر مذعورة
وجفاف النهر البائس
فى رمل سراب الأمل الربانى
تحت سماء الصحراء الحلم المر
***
وحدك يا نجلاء زى الوطن المسكين
أيتام على حد السكين
حتى النسمة بتنهش حيّة
فى اللحم الحى
المندور للموت من عز طفولته
محكوم بالخوف
بيوسّع سكة للرعب الجاىّ
***
أسراب النمل الكيماوى الوحشى
زاحف بضراوة وإصرارينهش فى الكبد
وينشف فى الشرايين
فى صمت الأندال السفاحين
المخيفة وجوهم ورا أقنعة إنسانية
يتسلل فى تلصص بيمس عروقك
يخدعنا بأنابيب وسرنجات
متنكر فى ثياب بيضاء على شكل ملايكة
بيرطن بلسان التجار والخواجات
يفتى ف كل تخصص
يلهب بالكدب حروقك
وبكل تعالى وتفانى ينفّذ خطط الفشل الوطنى
وهزيمة المصريين
***
وأنا عاجز قدام مماليك الترك
ومزامانات الفيروس
ولوايح الغدر السرطانى
وأكياس الدم المتلوث
بملوعيونى شايف قواتك
راجعة من برية سينا المنتهكة أشلاء
بدون أى غطاء جوّى
أو جرعة ماء
أتحامى بخيالات الماضى
أحاول أحفظ أسماء الشهداء
كفوفى ما تلحقش
طيارات الغدر الخاين ما بترحمش
بتدفن فى الرمل الجمر المتضخم
أبو لبدة المدهش

وبكل الغل بتجمع فرافيت
الدب الكسلان
و حسن قرن الغول
و ريحانة و مرجانة و مشمش و أبو على و القرد و بنت السلطان
ولا بتفرقش
ما بين أحلام الأنس وهفوات الجان
الجيش المنصور كان خيالات
من قطن وقشم الضربة
الأولى سلم
وإيمانى الريفى ما حوقش
***
كافة سكك العتبة الخضرا مسدودة
ببتوع الخردة وخطب الكاسيت العدوانى
والأنفاس الباقية باتت محدودة
ولا تفرّحش
مش قادرة تجمّع صرخة حزن أخيرة

فى شهقة راحة
تبعت بيها رسالة رفض على استحياء
كل مداخل وساحات الوطن المهزوم جرداء
مهدودة
أستولى عليها الباعة الجوالين
تجار البالة ولصوص الأعضاء
أساتذة تحليل الدم
وأساتيذ تحليل الأنباء
النصّابين بشوات الهلع الجنسى
وشواذ الجشع الحسى
البهوات
حضرات البياعين
الخارجين من أرقى بُورَصْ العلم
والفنانين والشعرا الخونة
سماسرة خطط السلم
المأجورين الصياغة روشتات الأغوات
أطبّا الجهل السعداء بالفرص الذهبية
لبطولة الفيلم
هزيمة يونيه السابع
والستين
الهايجة بنى آدمين فى طرقات المستشفى الميرى
دهماء غوغاء
من أبناء المقهورين التعساء
بيدقوا طبول الموت
ويدسوا السم لأطفالهم فى عصير التوت
***
وأنتى ما بين الدور الرابع والأنعاش
لساك بتقاومى
كأن العالم يستاهل
بتقاوم القلب المتآكل والنفس المتهالك
وكأن الشبابيك المفتوحة
لساها بتشــوف ـ مصـــــر بــــــــــجد
والشعر مازال بيلاقى صور وحروف
بالساهل
وكأن الإنسان اللى لسة ف قلبه ذرة إيمان بالنصر
مش ميت خوف م النبأ العاجل
تايه فى ظلام الصمت المتواطئ
فى سراديب الحق الضايع

بيماطل
ويجادل ويحاول يتحامى فى تقاليع الماضى

بحواديت الإيمان

فى أمل الغفران

فى تقاليد الموت العادى السهل

البخلان بالحزن الإنسانى عليّه

حارمنى من راحة الجهل

مستكتر طعم الرحمة على بلادى

وأولادى

مصمم يهزمنا جميعاً

ونهائياً عاطل على باطل

على أقلّن من مهله

ولآخر حد

وكأننا مازلنا أحياء على رجلينا ماشين

على نغمة أغانينا

بنحب ونعشق

لسه وبنحس تراب هذا الوطن

المغدور القاتل

دعاء المغلولين

يعيش مبارك ألف عام
محمى من الموت الزؤام
ومن العَتَه ومن الفصام
من الكساح ومن الزكام

ومن الجرب ومن العجَز
ومن الجذام
عاش مستقيم
ومستديم ومستدام
فى ظل ورعاية المدام
لحين يرجّع للوطن
وجهه لأمام
يغسل له جسده
من العفونة والسخام
يوصله لمجده القديم
يفك عن بطنه الحزام ..

يعيش مبارك ألف عام
اشمعنى بورقيبه
وكيم إيل سونج
والمخفى فرانكو
والا أبو الهمّ وسخام
اشمعنى هوّ ؟! ـ بتنكروا فضله
على حفظ النظام
م البهدلة والحاقدين
والمدمنين سقط الكلام
من ربع قرنينْ
أو يزيد شغّال تمام
آمون مبارك خطوته
ومراعى زنقة أزمته ..
يحميه من السم الخفى فى لقمته
يرقيه من الكدب
اللى بتدسه الغباوة فى كلمته
ينْجيه من الغدْر
اللى فى عيون اللى عايزين يورثوه
ومن اللى عايزين بالحيَا
فى قلّة حياء يكفنوه
الناكرين فضل القمر
وبالظلام بيتهموه
العاجزين عن الغرام
وبالغوايه يظلموه
المنكرين الشمس
عاجزين م العمى أن يلمحوه
مش مدركين أنه مازال
هوّ الوحيد هو الأحد
بالعشرة عافق دفة المركب
بقوة القدر
ملئ السّمَع والشم
والذوق والبصر
ملاح فى بحر رهيب خطر
ما يدركوه
فارد شراع مصر
اللى قبله قطعوه
فلاح خطاويه ع الصحارى
ولا المطر
خضّر صحور سينا
ومارينا وتوشكا ..
ياما بالفراولة والجزر
وصّل لشرم الشيخ
مجارى من عسل ترعة دموه
يا خلق هووه
يا موتى اصحوا وحدوه ..
وادعو معايا لربنا بحق اليتامى
وبحق من فرق الحلال من الحرام
يفضل باروكه لمصرنا ماركة ودليل
زى الهرم وأبو قير
وجبل الطور ونهر النيل
ما فيش زيّه ولا غيره بديل
قابض ع الجمرة ما يفلتش اللجام
يحمى المراكب م الغرق
وقطورة السكة الحديد
من الحريق ومن الصدام
يرُمّ عضم المكسورين النفس
باللقمة الطرية والحمام
ويهد حيل الطماعين
ببنوك وشورى واحترام
إحنا قرَشنا ملحتُه
ودقنا مر قرفته
تهنا فى سراديب حكمته
وحفظنا تقاطيع طلعته
حتى آمنا من قلوبنا إنه خير من قِلّتُه
فوقوا وحسّوا يا غَجر
عجز البشر عن التمام
مع أن إنّه من خيار خير البشر
نَفَسُه فى نبض الأرض فى عروق الحجر
يسرى بإكسير السلام
*
يعيش مبارك ألف عام
لحد ما يرتاح جميع المتعبين من التعب
يشفى جميع المرضى من الأمراض
يساراً أو يمين من الغضب
يرتب الفوضى على شرع النظام
يظبط الفلتان وينعقد الديوان
شى الله يا أهل الله
وبركة حصانته
ترجع الهربان بأموال البنوك
يتعلم البرسيم معاشرة الهالوك
يرتاح قليل الأصل
تتلضم السلوك
يُشطف تاريخ مصر الملوك
م الجرسة والهذيان وإدمان الشكوك
يحتاروا فيه
يتعجبوا أعاديه
ويشتوا حساده الهوام
بفضل سحر وعبقرية
القرايب والحبايب والمدام..
السهرانين يرتبوا الصدفه لأولاده وأحفاده
إلى يوم القيام
يعيش مبارك ألف عام ..
*
* ما عادش غير النّفاية تلغْو صوافيها
على دق طبل الختام وفيها لأخفيها
لكل واحد خطيّة حمْل على كتفُه
أعمى ومن كتر همّه
بيقرا خطه فى كفّه
إنشل جدر الشجر
الخوف رَبَك صفه
النيل عجوز عاجز حزين على نفسُه
والميه حتى السم مابتفوتش على عطشان !
....
كان حلمك إيه يا خلفة الأحزان ؟
ماتت ( فهيمة ) وطفلها فى بطنها
لجل الضيوف يشبعوا ويستكفو
يوم ما خرجت كسير من الزنزان
....
يا ريتنى قلت الشهادة
كنت أخلّص نفسى
خدعنى طبعى الملاوع قالها أبو العريف
أو قول مزاجى الشريف
ما عرفتش الأيام كورق الخريف
بتموت على غصنها حين تدبل الأحلام
كان لِسّه إيه فى جرابك تنسى بيه طبعك
والا تطاوع مطامعك
ولسّه مين من صحابك ناسى ح يطاوعك
الخطوة بينكم ما كانتش عمار
الغدر فرّخ طيوره جوّه حوش الدار
الضعف صاحب القرار
والحزن ألزم له التزام الصمت
الشعر خان الريف وبلّغ فرار
وأنت بخيابْته التزمت
لما سكرت بخمر لاستقرار
وفات الوقت
هبت رياح الخريف
هيا أشربوا من كيعانكم نخب الاستعمار
ياللى عيونكم غفولة عن ملامحها
من أجل الاستمرار
عقولكم سرق الجهل مفاتيحها
ماكانش عنده الحجّة يسامحها
على عفة الثوار من كتر فضايحها
على غلطة منذ البداية فايحة روايحها
.....
السيف على رقاب الجميع بتّار
مهمن يطول لانتظار
ما باقى غيرها النهاية
واضحة خوافيها فى أنياب جوارحها
ما فاتْش ليكو سوى نفاية
تلغْوصوا فيها
وتخلطوا حزنها برزيل تفاريحها
وتخربشوا للتاريخ والذكرى أساميكم
على اللى باقى من هديم الجوار

الســيرة
سمير عبد الباقى

· من مواليد 15 مارس بقرية ميت سلسيل مركز دقهلية
· حصل على الشهادة الابتدائية عام 1950...
· وشهادة الثقافة العام 1954 ..
· والتوجيهية - القسم العلمى عام 1955..
· ثم التحق بكلية الزراعة - دامعة عين شمس حيث تخرج فى قسم لاقتصاد الزراعى والتعاون عام 1966 (!!)
· فى منتصف الخمسينات اجتذبه النشاط العام فى القرية وفى الكلية وابتدأ يمارس الكتابة فى قصائد أولية بالفصحى وبالعامية نشر بعضها فى جريدة المساء القاهرية فى عوام 75 ، 1985 .
· كون مع شباب قريته لجانا لاستقبال المهاجرين من بورسعيد أيام العدوان الثلاثى وللتدريب على المقاومة الشعبية واصدر مجلة حائط فى القرية كما قدم معهم العديد من المسرحيات بابسط الإمكانيات المتاحة من خلال ناد الطلبة.
· ثم مارست هذه اللجان بعد العدوان نشاطها لاعادة سيطرة أهل القرية على جمعية القرية الزراعية وتمت بها انتخابات حرة بناء على طلب الأعضاء من الفلاحين واعيد تشكيلها فى حركة جماهيرية اتت بالمجلس إدارة منتخب لأول مرة فى مصر فى ظل تشكيل الاتحاد التعاونى العام .
· اعتقل فى سبتمبر 1959حتى أول ابريل 1964 وكان عمره عشرون عاما وذلك لاصداره جريدة باسم صوت الفلاحين كان شعارها الأرض والديمقراطية ؛ الاستقلال الوطنى
· فى السجن الانفرادى وفى المعتقل نضجت موهبته الشعرية وبدأ الكتابة للاطفال ومارس داخل السجن إصدار مجلة حائط لنزلاء السجن المنصورة وكون منهم جعية أصدقاء المكتبة وفى الواحات شارك فى النشاط الثقافى لمساندة المعتقلين فى مواجهة الاعتقال فشارك فى الأعمال المسرحية التى قدمت هناك تمثيلا واخراجا واعدادا للديكور ومنها (اختام البلد عيلة الدوغرى - الخبر - حلاق بغداد - موت بائع جوال - البرجوازى الصغير - قيصر وكيلوباترا - بيت الدمية - وغيرها )، كما شارك فى تجهيز وتقديم عروض لخيال الظل والعرائس مع الفنان الكاتب صلاح حافظ .. كما اصدر مجلة للكاريكاتير فى الواحات وفى عزب الفيوم.
· عاد للمشاركة فى النشاط العام والوطنى بعد خروجه عام 1964 فاعاد إصدار مجلات الحائط بالكلية ومنها (الفجر ) و( السنبلة ).
· مارس الكتابة منذ ذلك التاريخ فى مجلات الأطفال والصحف .. فشارك فى تحرير كروان سمير كما كان له دور رئيسى فى إصدار ملحق مجلة صباح الخير الشهير (حكايات صباح الخير)، وكتب فيه أكثر من 12 حكاية .. منها حكاية سقا - نهر الدموع - وعذراء الربيع ووجه القمر وغيرها من الحكايات .
كما شارك فى تحرير بريد صباح الخير ونادى الرسامين تحت إشراف الفنان الكبير حسن فؤاد.
· قام بدور أساسى فى تحرير مجلة سمير فى الجهود التى تمت خلال اعوام 65 حتى 73 لتحويلها من مجرد مجلة ناقلة للمادة الصحفية والأدبية والاجنبية إلى مجلة أطفال مصرية لتلعب دورها فى تعريب الوجدان وتحرير ادب الأطفال من سيطرة مفاهيم الغرب على صحافة الأطفال .
· عقب العدوان وهزيمة 1976 - انتقل للعمل بمدينة السويس رغبة فى المشاركة فى المقاومة الشعبية والتصدى للهزيمة فاصدر مع آخرين جريدتين هما ( المقاومة الشعبية ) بالتعاون مع اسماعيل فريد وجما ربيع قائدى المقاومة الشعبية ( الرسمية ) للسويس ولبور توفيق ..و( السويس الثقافية ) التى صدرت بالتعاون مع قصر الثقافة.
· نظم خلال الشهور التالية للهزيمة مع بعض أبناء السويس ولتعاون مع الفنان ( هانى جابر) مدير قصر الثقافة سلسلة من لمحاضرات الثقافية من العروض السينمائية عن مقاومة شعوب العالم للاستعمار بمختلف صوره واشكاله وذلك فى الشوارع والميادين وكان اهمها مجموعة أفلام عن المقاومة الفيتنامية للاستعمار الأمريكى - وكان ضمن مجموعة من المقاومة الشعبية تحت قيادة الكابتن غزالى الذى لم يكن قد مارس الفن بعد!
· شارك فى قيادة مظاهرات فبراير 1968 احتجاجا على أحكام الطيران الهزيلة ودفاعا عن عمال حلوان وكانت شعارات تلك المظاهرات تتركز على أن التصدى للعدوان تحرير الأرض انما يكون بإعداد الشعب للحرب بمزيد من الديمقراطية واطلاق الحريات العامة وقد اعتقل بسبب ذلك بسبب ذلك لمدة شهرين على يد ( شعراوى جمعة) وافرج عنه بعد صدور بيان 30 مارس ) الذى وعد بإعادة هيكلة الاقتصاد المصرى لمواجهة المعركة ووعد بإعادة الحريات العامة وتخفيف قبضة الأجهزة الأمنية والبيروقراطية..
· مارس الكتابة بنشاط كبير خلال تلك السنوات ( الخمس التالية كذلك ) فى الصحف وفى الإذاعة وفى التلفزيون ونشرت قصائده فى جرائد ومجلات عديدة ..
· وانتقل للعمل بالمكتب الاستشارى لثقافة الأطفال فور تأسيس بوزارة الثقافة حيث قدم العديد من الأبحاث حول مكتبات الأطفال وسينما الطفل ومجلات الأطفال ... واصدر العديد من الدواوين الشعرية .. وكتب الأطفال .. وقدم له المسرح القومى مسرحية من اعداده عن مولييز 1971، كما قدم له مسرح العرائس حكاية سقا 1966.
· التحق للدراسة بالمعهد العالى للفنون المسرحية ( قسم النقد والادب المسرحى ) حيث تخرج فيه بالحصول على دبلوم الدراسات العليا بتقدير ممتاز مع مرتبة الشرف وكان معه فى تلك الدفعة ( د. صبرى حافظ ونسيم مجلى وحسين أبو المكارم واسامه أبو طالب وغيرهم ).
· قام بعمل دراستين هامتين - هما ( دراسة اوليه وقائمة ببلوغرافية لأعمال كامل كيلانى للاطفال ) الأخرى كانت عن ( مسرح الأطفال فى مصر) ( تحليل نصوص ورؤية عامة).
· بعد تخرجه فى المعهد العالى للفنون المسرحية عاد للعمل بالثقافة الجماهيرية حيث انغمس ولمدة أكثر من 25 عاما فى العمل الثقافى كل أنحاء مصر كاتبا وناقدا محاضرا ورائدا ثقافيا فى مختلف التخصصات وفى هذه الفترة .
- كتب للمسرح عددا من المسرحيات الهامة كلها محاولات جادة لإيجاد صيغة مسرحية درامية تخاطب الوجدان الشعبى المصرى حققت نجاحا كبيرا وتعتبر ملمحا هاما فى تأسيس مسرح مصرى .. ومنها:
( سيرة شحاته سى اليزل ( سعدون ) - الليلة فنطزية - اقرا الفاتحة للسلطان - سهرة ضاحكة لقتل السندباد الحمال وغيرها ).
- أسس الفرقة المركزية لمسرح العرائس بالثقافة الجماهيرية وكتب واخرج لها مسرحيات - حسن قرن الفول - مملكة القرود - حققنا نجاحا كبيرا وشارك فيها لأول مرة عد من الأطفال والشباب الذين صاروا فيما بعد من فنانين معروفين ومرموقين منهم توفيق عبد الحميد واشرف ومحمد الشرقاوى وعادل اديب المخرج السنيمائى وهشام عبد الحميد وغيرهم...
- قدم المشروع ( مسارح للعرائس ولخيال الظل ) سهلة التركيب والنقل وتم تصنيعه وتوزيعه على أكثر من 10 مواقع منها الوادى الجديد وغيره من المحافظات النائية وتكونت على أثر ذلك عدد من الفرق لتقديم عروض للعرائس منها - طنطا والفيوم والمنصورة وبنها والاسكندرية وقام المذكور بدور كبير فى تأسيسها والمحاضرة لتدريب أعضائها .
- وبناء على هذه التربة كتب بحثيين هاميين للمؤتمر الأول لثقافة الطفل الذى عقد بالإسكندرية وهما ( ثقافة الطفل القرية ) و ( مسارح بسيطة لفن العرائس والخيال )..
· أسس مع آخرين ( جماعة الدراما ) وهى جماعة مسرحية للهواة كانت تسعى لتأكيد قيم جمالية ودرامية هامة فى المسرح المصرى فى سنوات انتشرت فيها تلك الرغبة فى اثراء المسرح المصرى بعيدا عن سيطرة البيروقراطية وقدمت جماعة الدراما عدة عروض من اهمها .
- فى حب مصر - 73 ..
- كانت وعاشت مصر - 74 ..
- غنوة للحرب غنوة للسلام - 74 وغيرها ..
· ساهم بشكل فعال فى العديد من الانشطة الأدبية والفنية عبقرى ومن مصر وذلك من خلال الإدارة والمخاطرة ولتوجيه ولتاسيس والتنوير من خلال :
- تجمعات الادباء التى تشكلت منها فيما بعد نوادى الأدب .
- إثراء الوعى بالمسرح والدراما من خلال لجان القراءة حيث اصر على مواجهة الكاتب الجديد بعيوب كتابته وممارسة دور الدراما تورج من خلال مناقشته لتطوير عمله .
ومن خلال لجان المشاهدة لعروض الفرق المسرحية واثارة المناقشة الجادة حول العمل عقب العرض...
· تولى العديد من المناصب الإدارية الثقافية الجماهيرية مكنته من العمل المتواصل فى الميدان بعد اجتيازه بنجاح دورة الرواد الثقافيين.
- مدير إدارة نوادى الأطفال.
- مدير الفرقة المركزية لمسرح العرائس ( التى اسسها )
- مدير إدارة التوثيق بالادارة العامة للمسرح.
- مدير فرقة السامر المسرحية .
( التى اقيم من خلالها السامر الثقافى الذى استمر لمدة 3 شهور لدراسة الظواهر الشعبية فى المسرح المصرى) وفترة ( الستينات مالها وما عليها فى المسرح المصرى ) بمشاركة فعالة من كبار النقاد والمخرجين والذين لهم تجارب ملحوظة فى هذا الشأن )
- مدير عام الثقافة العامة
- مدير عام إدارة المواهب .
· انتقل للعمل كمستشار ثقافى لرئيس قطاع الفنون الشعبية ثم مديرا فرقة الغد المسرحية حتى عين مديرا عاما للإدارة العامة للتفرغ بالمجلس الأعلى للثقافة .
· وفى عام 1977 اعتقل قد أحداث يناير 77 مع عدد كبير من الكتاب والمثقفين والصحفيين لمدة ثلاثة شهور وكتب خلال فترة اعتقاله ديوان شعر بالفصحى نشرت معظم قصائده فى كل أنحاء لوطن العربى وكان لها صدى كبير ومنها ( احزان ناصريه من عام الردة - رسائل إلى ليلى العامرية - رسائل غير شخصية - يكبر الأطفال فجأة .. وغيرها ) كما كتب مسرحية سهرة ضاحكة لقتل لسندباد الحمال .. واتم روايته ( هكذا تكلمت الأحجار ) وترجم كتابا عن الاساطير الافريقي وكتب عددان من قصائد العامية .
· فى عام (1981) انتقل للعمل بمجلة (اسامة ) السورية وتنقل بين دمشق وبيروت وعمل فى معظم مجلات الاطفال العربية ومنها ( سمر البيروتيه ) واسس صفحة للاطفال فى جريدة النداء البيروتية ..وشارك بشكل فعال فى كل الأنشطة الثقاقية لمواجهة العدوان كما شارك فى تحرير جريدة النداء تحت الحصار الاسرائيلى واثناءه تحرر بشكل يومى بابا شعريا وهو ( تحت القصف) والذى صدرت قصائده فى ديوان ( قصائد تحت القصف ) بعد ذلك فى القاهرة.
· وصدر له فى تلك الفترة عدة دواوين منها :
- اناشيد الحزن اللبنانية
- فرحة ليست للحبر السرى.
- قدمت له مسرحية (البطاقة ) فى دمشق .
- صدرت له عن وزارة الثقافة السورية مسرحية سى اليزل )..
- بعد عودته بفترة تولى ادارة المركز الثقافى السوفيتى .. حيث تحول المركز خلال ثلاثة سنوات ونصف إلى أهم مركز ثقافى فى القاهرة حيث اشرك فى نشطه تعظمك المثقفين والادباء على اختلاق اتجاهاتهم الفكرية والفنية .. كما ساهم فى نشطه كل المكرين والكتاب من خلال أكثر من اثنين وعشرين ليلة ثقافية شهريا بمعدل ثلاثمائة ليلة ثقافية لى السنة قدن من خلالها الندوات الفكرية والمهرجانات الأدبية والامسيات الشعرية بخلاف معارض الفنون التشكيلية والعروض المسرحية لفرقة لمركز أو لفرق أجنبية أو لفرق الجامعات المصرية.
وكذلك قدمت سلسلة من الاسابيع السينمائية لعرض أفلام الكبار المخرجين المصريين والسوفييت .. والعالمين والتى كانت تعقبها ندوات عن الفن السينمائى .. والفن بشكل عام لعبت دورا كبيرا فى تشكيل وجدان راق قادر على تذوق الفن الجميل والانسانى ..
· شارك فى تحرير معظم مجلات الأطفال المصرية والعربية وقام بدور فاعل فى توجيهاتها نحو ادب وفنون للطفل راقية ممتعة ومنها مجلات :
- كروان - سمير - ميكى - اسامة - سامر - أحمد - ماجد- سدرة - العربى الصغير وعلاء الدين .. كما أسس وكتب بابا للاطفال بجريدة المساء ( لقاء الأصدقاء ).
· شارك بشكل فعال ومؤثر فى كافة مهرجانات الطفولة ومؤتمراتها الفكرية والفنية منذ المؤتمر الأول لثقافة الطفل بالإسكندرية فى منتصف السبعينيات كما شارك فى العديد من الندوات وحلقات الدراسة الخاصة بفنون الطفل كتابة أو عروضا مسرحية أو ورشا عرائسية والتى عقدت فى الثقافة الجماهيرية أو وزارة الثقافة أو فى المجلس العربى للطفولة أو المجلس الأعلى للثقافة أو جمعية الرعاية المتكاملة وهو عضو بالفرع المصرى لجمعية كتاب الأطفال العالمية.
· كما كتب للمسرح الغنائى وكثيرا من اشعار المسرحيات الغنائية والاستعراضية بالفصحى وبالعامية .
· كتب للمسرح للكبار وللصغار وله تجربة طويلة فى مجال بعض العرض الشعبى المصرى كما أن هل تجربة هامة فى العمل فى العمل المباشر مع الأطفال وممارسة الدراما التلقائية واللعب الدرامى وكذلك فى مجال تصنيع العروسة من الاراجوز إلى الماريونيت ..
· كتب القصة والحكاية والرواية لكبار وللصغار كما كتب الحكاية الشعرية للاطفال ، وكتب المقالة النقدية وممارسة النقد لمسرحى والادبى لثلاثين سنة خلت بالمشاركة فى العديد من الندوات النقدية والأدبية والمسرحية فى القاهرة وفى اقاليم مصر .
· مارسن لسنوات عديدة الكتابة والاذاعة التليفزيون فى أشكال عديدة كما كتب للسينما فاز أحد أعماله وهو فيلم ( ليمونة المحاياة ) عن قصة فؤاد حداد بالجائزة الأولى فى أحد دورات مهرجات القاهرة لسينما الأطفال.
· كتبت عن ابداعاته العديد من الدراسات التى نشر معظمها فى العديد من الصحف والمجلات والكتب والدراسات الجامعية منها :
- عن عروضه المسرحية ومسرحياته للكبار والصغار هناك دراسات لهؤلاء:
· لويس عوض
· راجى عنايت
· حازم هاشم
· فتحى العشرى
· جلال العشرى
· فريدة النقاش
· رؤوف توفيق
· حلمى التونسى
· صلاح جاهيم
· أحمد عبد الحميد
· سناء فتح الله
· فؤاد بدارة
· عمر نجم
· سلوى بكر
· عبد الرازق حسين
· محمد الرفاعى
· منحة البطراوى
· سامى خشبة
· نعم الباز
· نهاد صليحة
· د. فوزى عيسى وغيرهم
- عن اشعاره .

· د. هشام السلامونى
· محمد صدقى
· د. سيد البحراوى
· إبراهيم فتحى
· سيد خميس
· مسعود شومان
· د. يسرى العزب
· د. مدحت الجيار
· اشرف أبو جليل
· عبد الفتاح الجمل
· محمد العزبى
· امجد ريان
· جميل حتمل
· سعيد الناجى
· أحمد الهريدى
· خيرى بشارة وغيرهم

وعن رواياته للصغار والكبار :

· علاء عبد الوهاب
· سناء فتح الله
· جمال الغيطانى
· عبد الفتاح رزق
· عبد الفتاح الجمل
· د. صبرى حافظ
· د. أحمد حسن عبد الله
· محمد هويدى وغيرهم

· يكتب الشعر بالفصحى وبالعامية المصرية .
· له أعمال هامة فى مجال المسرح الشعرى والقصيد الدامى .
· عضو عامل بنقابة المهن التمثيلية شعبة الإخراج والنقد .
· عضو عامل بنقابة المهن السينمائية شعبة السيناريو.
· عضو اتحاد الكتاب.
· عضو مجلس إدارة اتيليه القاهرة.
· عضو مؤسس فى مؤتمر ادباء مصر فى الأقاليم.
· قام بالمشاركة الفعالة فى تأسيس العديد من الجمعيات الثقافية والاهلية منها :
- جمعية ثقافة الطفل
- جمعية المسرح المصرى ( حلت فيما بعد ) لاسباب غير معروفة .
- جمعية المسرحيين بالثقافة الجماهيرية ز
- جمعية قدامى خريجى زراعة عين شمس .
- جمعية الوادى الجديد.
· عضو بالفرع المصرى لجمعية كتاب الأطفال العالمية .
· مازال طرفا مؤثرا وفعالا فى الحركة الأدبية والفنية والثقافية المصرية منذ منتصف الستينيات وحتى الآن ولم يكف يوما عن المشاركة الفعالة فى الانشطة الثقافية الفنية أو الادبية .. بالحضور الفعل والمناقشة الجادة بالكتابات وبحواره فى كل ما اتيح له حضوره من ندوات وحلقات ومؤتمرات ومهرجانات ثقافية ى كافة أنحاء الوطن.
· ويتمنى أن يموت على قدميه شاهرا قلمه دفاعا عن الإنسان وحريته ودفاعا عن الوطن وتقدمه .

غنوة لمصر
لولي يالاللي
ياحلوة ياللي انتي السنابل والعيدان
ياحلوة ياللي انتي الندي وحي الكيزان
لولي يا لا للي
ياحلوة ياللي انتي علي سطوح البيوت
حس المطر صوت الاذان
ياحلوة ياللي
انتي علي شطوط الترع ضل الكافور صفصاف مدلي

ياحلوة ياللي علي القنا حبة الجسور ميل يصلي
ياحلوة ياللي انتي في ليالي الصيف حواديت السمر
كان يا ما كان
وكام يكون ليا
ياحلوة ياللي في المواجير العجين اللي اتخمر يابنت ملي
و ف ساعة القيالة نسماية هوي بتميل تميل لي
و في المنادر الكلام المتعبر

وفي الساحات انتي العيال وانتي القمر يارب خلي
وفي الهجير صوت اليمام
فوق النخيل والسسبان
ياحلوة ياللي
للغريب الدار الحنان ساعة اللقا
مرحب يا خلي وللجعان ريحة الخبيز طعم الظفر ياولد ناو لي
للوحدانية في المنام

ساعة هنا ساعة تجلي وللبنية انتي العريس المنتظر
وأربي اليبيبان ياصبية طلي
وانتي مواويل اللي نهدود م الشقا
فاحت ترع ..لافع في اكتافة معلي
وانتي بشاير الفرح وشوشة الدكر يا رمل قول لي
وانتي هديل المداحين راقص الفجر
يافرحة هلي

ياحلوة ياللي من زمان ......بزمان .....انا... عشتك انا
وعشقت حتي القش وحشيش القنا

ولعبة الدخان علي صدر السما

ورقصة المحرات علي ضلوع الحجر
وطلعت الفجرية من ساعة سحر
وندهة المية علي جدور النبات
والارض
لما تبات شراقي

وتنام وتصحي

صابرة مستنية
صوت السواقي في نايات المية
ولشمس لما تشقشق الصبحية وانا تشق اللوزة في الضهرية واما تحن ترق في العصرية ... وتلم كل الخلق في المغرب
يدفو قلب الجسر والزراعية

وفرحة الشغالة بالنقدية

والضحك والملاغية والمكاكية والمنادية عشتك انا بالحب
والحنية بنيت لنفسي في حضنك البنية من كل مكان حي وخدت منك اتر

م الارض
م المية
وم الطين والشجر
وبرضة عشتك كمان يامصر
في الانسان ..القادر الشقيان

اللي عرق جلابيتة الورد شمة فتح الاكمام حسيتة في دمي
ساعة شميتة
شلتة ف عينة

فردت لة الاحضان
وف قلبي لميته... لولاك

ولولاة عليه
كنت اللي عشت احلم بة ما صدقت ولا كنت حسيت الامل وقاسيته واللي قريتة يامصر ...
كنت نسيتة

وا اسلاماه

يارسول الله أغيثهم
جهلهم حطم نفوسهم
نسيوا مين سارق فلوسهم
مين...؟وبالجزمة دايسهم
وعلي الكلمه حاسبهم
بمقاس الخوف محاصرهم قايسهم
يحتكم فيهم خبيثهم....

يارسول الله تعالي
امتك صبحت في حالة
واقعة في شبك الهبالة
نصها فقر وبطالة
لابسة خيش أو لابسة بالة
واكلة من باقي الزبالة
ونصها التاني بيتحكم عوالة
نفط والا قحط والا زيت بقالة
ارتضي ذل العمالة
والشيطان أصبح فارسهم

يارسول الله أمانة
نظرة لدموع الارامل والحزاني
زيح عن الامة غيامات الجهالة
اللي زرعها ف اراضينا الخيانة
تدي للحكام حصانة
وللشعوب عيشة المهانة
اللصوص عسكر رئيسهم
بالاصالة وبالوكالة
يعملوه صاحب الجلالة!!

يارسول الله حنانك
ياللي كان العدل والحرية شانك
الالة م الظلم والعبودية صانك
وحفظ عزة مكانتك
كان حنانك عالفقير مجدك نيشانك
وكرامته من كرامتك
أمتك صارت إهانتك
أمتك حالتها حالة أستحالة
كيف ح تتباهي بها يوم القيامة
ظالمين راكبين حصانك
كدابين ناطقين لسانك
ولصوص واخدين مكانك
بالعساكر والكهانة

يارسول الله حنانك
بالأمانة تعالي غيثهم
خد بإيدها أمتك ارحم بائسهم
بالامل أحي يائسهم
بالأيمان طهر خبيثهم
قد يجوز وعقولها تصحي
توعي إيه معني الاهانة
ومعني ايه العقل زينه في العقل صحة
تفهم الفرق المقدس
بين رسول الله وطول قامتة
ومكانته
وبين إهانته
في رضاهم ذلهم والاستكانة
للي حابسهم في سجن الخوف
وسجن الجهل ليمان المهانة
اللي متربع علي عرش الخيانة
فقر بيحطم نفوسهم
ودايسهم تحت قهر
عساكر الاذعان
لمراسيم الوراثة
ومواريث الحصانة

سمير عبد الباقى

الغورى يبنى الهرم الاكبر

الغورى يبنى الهرم الاكبر

الغورى يبنى الهرم الاكبر

الغورى يبنى الهرم الاكبر

الغورى يبنى الهرم الاكبر

الغورى يبنى الهرم الاكبر

الغورى يبنى الهرم الاكبر الجزء

الغورى يبنى الهرم الاكبر سمير عبد الباقى

انا مصرى للنخاع

سمير عبد الباقى عن عدلى فخرى

سمير عبد الباقى عن عدلى فخرى

سمير عبد الباقى عن عدلى فخرى

سمير عبد الباقى فى فى ندوة فؤاد قاعود

معرض الكتاب سمير عبد الباقى

معرض الكتاب سمير عبد الباقى

معرض الكتاب سمير عبد الباقى

معرض الكتاب سمير عبد الباقى

قصيدة صلاة رفيية فى حجرة الانعاش

ندوة فى معرض الكتاب

اطلالة 001 سمير عبد الباقى و د هشام السلامونى و مسعود شومان

اطلالة 002

اطلالة 003

اطلاله 004

اعداد شمروخ الاراجوز

ندوة فؤاد قاعود

جزء من مسرحية ابو لبدة المدهش

لما عشان صحابك تشتغل وتشقى

الدب يحرس العشة للديب

الارانب تغنى يحيا الدب

اغنية النحل ما تقلش صغير وكبير

انتى بتشغلى اية

اغنية مافيش احلى من الكسل

حد قالكو انى عاوز اشتغل